वेबटिभी खबर
काठमाडौं । प्युठानको सरुमारानी गाउँपालिका-४ मा साेमबार गाडी (वीङ्गर) दुर्घटना हुँदा चालकसहित १० जना घाइते भएका छन् ।
दाङको भालुवाङबाट प्युठानको बाग्दुलातर्फ जाँदै गरेको लु २ ख ३५६९ नम्बरको वीङ्गर आज बिहान ११ बजे अनियन्त्रित भई सडकबाट २० मिटर तल खसेको थियो ।
घाइते मध्ये प्युठानको ऐरावती गाउँपालिका-२ बस्ने ज्ञानहरि भुषालका चार वर्षीय छोरा प्रमिसको अवस्था गम्भिर रहेको छ ।
घाइते ६ जनालाई उपचारको लागि बुटवल पठाइएको छ । तीन जनाको स्थानीय साझा पोलिक्लिनिक र एक जनाको जिल्ला अस्पताल प्युठानमा उपचार भइरहेको प्रहरीले जनाएकाे छ ।
Copyright © All right reserved to webtvkhabar.com Site By: Sobij
