काठमाडौं । इटालियन सिरी ‘ए’ फुटबलमा इन्टर मिलानले जिनोआविरूद्ध शानदार जित हात पारेको छ ।
घरेलु मैदानमा भएको आइतबार रातिको खेलमा इन्टरले जिनोआलाई ३-० गोलले पराजित गर्यो ।
इन्टरलाई जित दिलाउन रोमेलु लुकाकु, माटियो डारमेन र एलेक्सिस सान्चेजले एक एक गोल गरे ।
जितसँगै इन्टरले २४ खेलबाट ५६ अंक जोडेको छ । दोस्रो स्थानको एसी मिलानभन्दा इन्टर ७ अंकले अघि छ ।
जिनोआ २६ अंकसहित १३औँ स्थानमा छ ।
Copyright © All right reserved to webtvkhabar.com Site By: Sobij
