वेबटिभी खबर
काठमाडौं । नेकपा एमालेले जारी गरेको ह्विपको ठाडो उल्लंघन गर्दै वरिष्ठ नेता माधव नेपाल पक्षको केन्द्रीय कमिटीको बैठक बसेको छ । जेठ ११ गते पार्टीबाट निष्कासित नेता नेपाल पक्षका केन्द्रीय कमिटीका नेताहरुको बैठक बसेको हो ।
पार्टी केन्द्रीय कार्यालयका सचिव शेरबहादुर तामाङले बिहीबार (आज) बिहानै प्रेस वक्तव्यमार्फत पार्टीले कारबाही गरेका अनधिकृत व्यक्तिले बोलाएको बैठकमा सहभागी नहुन नेताहरुलाई सूचित गरेका थिए ।
भर्चुअल माध्यममार्फत १२ बजेदेखि जारी केन्द्रीय कमिटीको बैठकमा पछिल्लो राजनीतिक घटनाक्रम र आगामी रणनीतिबारे छलफल हुने नेताहरुले बताएका छन् । बैठकमा योगेश भट्टराई, गोकर्ण विष्ट, सुरेन्द्र पाण्डेलगायतका नेताहरू पनि सहभागी छन् ।
पार्टीलाई २ जेठ ०७५ मा फर्काउन अध्यक्ष केपी शर्मा ओलीपक्षसँग वार्तामा रहेका उनीहरू पार्टी निर्देशनविपरीत सहभागी भएको भन्दै नेपाल पक्षभित्रै मतभिन्नता देखिएको छ ।
Copyright © All right reserved to webtvkhabar.com Site By: Sobij
