वेबटिभी खबर
काठमाडौं । नेपाली बजारमा बिहीबार सुनको मूल्य ३०० रूपैयाँले घटेको छ । अघिल्लो दिन बुधबार प्रतितोला ५०० रूपैयाँले बढेको सुनको मूल्य बिहीबार प्रतितोला ३०० रूपैयाँ घटेको हो ।
नेपाल सुनचाँदी व्यवसायी महासंघका अनुसार बिहीबार छापावाल सुन प्रतितोला १ लाख ८ हजार २०० रूपैयाँमा कारोबार भइरहेको छ । यसैगरी तेजाबी सुन प्रतितोला १ लाख ७ हजार ७०० रूपैयाँमा कारोबार भइरहेको छ ।
बुधबार छापावाल सुन प्रतितोला १ लाख ८ हजार ५०० रूपैयाँ र तेजाबी सुन प्रतितोला १ लाख ८ हजाररूपैयाँमा कारोबार भएको थियो । त्यसैगरी बिहीबार पनि चाँदीको मूल्य १० रूपैयाँले बढेको छ। बिहीबार चाँदी प्रतितोला १३ सय ७५ रूपैयाँमा कारोबार भइरहेको छ ।
बुधबारको तुलनामा बिहीबार चाँदी प्रतितोला १० रूपैयाँ बढेको हो । बुधबार चाँदी प्रतितोला १३ सय ६५ रूपैयाँमा किनबेच भएको थियो ।
Copyright © All right reserved to webtvkhabar.com Site By: Sobij
