Logo

२०८३, मंसिर १ गते सोमवार

२०८३, मंसिर १ गते सोमवार

सामाजिक सुरक्षा कोषबाट पाँच अर्ब ६७ करोड दाबी रकम भुक्तानी

सामाजिक सुरक्षा कोषबाट पाँच अर्ब ६७ करोड दाबी रकम भुक्तानी

  • 188
    SHARES
  • सामाजिक सुरक्षा कोषबाट पाँच अर्ब ६७ करोड दाबी रकम भुक्तानी

    काठमाडौं । सामाजिक सुरक्षा कोषले योगदान कर्तालाई विभिन्न सुविधाबापत पाँच अर्ब ६७ करोड दाबी भुक्तानी गरेको छ । कोषले विभिन्न योजना सञ्चालन गरेबापत ९८ हजार पाँच सय ७३ योगदानकर्तालाई उक्त रकम भुक्तानी गरेको हो ।

    योगदानकर्ताको जीवनमा आइपर्ने स्वास्थ्य जोखिम कम गर्न तथा आयको निरन्तरताका लागि चार प्रकारका योजना सञ्चालनमा ल्याएको कोषले औषधोपचार, स्वास्थ्य तथा मातृत्व योजनाअन्तर्गत ४० हजार तीन सय ८७ योगदानकर्तालाई ६५ करोड ८२ लाख ५० हजार र दुर्घटना तथा अशक्तता सुरक्षा योजनाबापत दुई हजार ३१ श्रमिकलाई सात करोड ८० लाख ८७ हजार भुक्तानी गरेको छ ।

    यसैगरी आश्रित परिवार सुरक्षा योजनाबापत तीन सय ९३ योगदानकर्ताले नौ करोड २० लाख र वृद्धावस्था सुरक्षा योजनाअन्तर्गत चार अर्ब ८४ करोड ३२ लाख १७ हजार भुक्तानी लिएका छन । हालसम्म ४१ अर्ब एक करोड योगदान संकलन भएको कोषका प्रवक्ता विवेक पन्थीले जानकारी दिए ।

    कोषमा सात लाख ५७ हजार योगदानकर्ता सूचीकृत भएका छन । औपचारिक क्षेत्रका चार लाख ४१ हजार पाँच सय ७६, वैदेशिक क्षेत्रका तीन लाख एक सय ५४ हजार चार सय ७७, अनौपचारिक क्षेत्रका एक र स्वरोजगार क्षेत्रका १९ जना श्रमिक तथा १८ हजार दुई सय ५२ रोजगारदाता आबद्ध भएका छन । 

    Copyright © All right reserved to webtvkhabar.com Site By: Sobij