वेबटिभी खबर
काठमाडौं । नेकपा एमालेका केन्द्रीय सदस्य विष्णु रिजालले पार्टी अध्यक्ष केपी शर्मा ओलीले पार्टी एकताका लागि सार्थक पहल गरिरहेको बताएका छन् ।
शुक्रबार प्रधानमन्त्रीको सरकारी निवास बालुवाटारमा जारी एमाले केन्द्रीय कमिटीमा अध्यक्ष ओलीले राखेको अभिव्यक्ति उद्धृत गर्दै रिजालले यस्तो बताएका हुन् ।
‘केन्द्रीय कमिटी बैठकमा अध्यक्ष केपी शर्मा ओलीले आजको प्रमुख आवश्यकता पार्टी एकता रहेकोमा जोड दिएर हो चि मिन्हलाई उद्यृत् गर्दै भन्नुभएको छ, ‘पहिलो आवश्यकता एकता, दोस्रो आवश्यकता एकता र तेस्रो आवश्यकता एकता,’ रिजालले ट्वीटरमा लेखेका छन् ।
बैठकमा अध्यक्ष ओलीले पार्टी एकताका लागि आफूले सार्थक पहल गरिरहेको जानकारी दिएको रिजालले बताएका छन् ।
Copyright © All right reserved to webtvkhabar.com Site By: Sobij
