एजेन्सी – युइएफए च्याम्पियन्स लिगको समूह चरणको पहिलो राउन्डको खेलमा इटालियन क्लब युभेन्ट्सले स्वीडिस क्लब माल्मो एफसीलाई ३–० ले हराएको छ।
युभेन्ट्सको जितमा एलेक्स सान्द्रो, पाउलो डिबाला र अल्भारो मोराटाले गोल गरे । इल्डा स्टेडियम माल्मोमा मंगलबार राति भएको खेलको २३औं मिनेटमा एलेक्स सान्द्रोको गोलबाट युभेन्ट्सले अग्रता लिएको थियो ।
पहिलो हाफको अन्त्यतिर दुई गोल थप्दै युभेन्ट्स बलियो स्थितिमा पुगेको थियो । ४५औं मिनेटमा पाउलो डिबालाले पेनाल्टीमा गोल गर्दै युभेन्ट्सको अग्रता दोब्बर पारे । उनले पेनाल्टी मार्फत गोल गरे ।
पेनाल्टी गोल लगत्तै डिबालाकै लामो पासमा अल्भारो मोराटाले गोल गर्दै खेललाई ३–० को अवस्थामा ल्याए । दोस्रो हाफमा दुवै टोलीले केही सुवर्ण अवसर सिर्जना गरेपनि सदुपयोग गर्न नसक्दा पहिलो हाफको तीन गोल नै युभेन्ट्सको जितमा पर्याप्त बन्यो ।
जितसँगै समूह ‘एच’ मा युभेन्ट्स ३ अंक जोडेर शीर्षस्थानमा रहेको छ । यो युभेन्टसको सिजनकै पहिलो जित समेत हो।
Copyright © All right reserved to webtvkhabar.com Site By: Sobij
