काठमाडौं– घरेलु मैदानमा एट्लेटिको मड्रिड एथलेटिको बिल्वाओसँग बराबरीमा रोकिएको छ। बराबरीमा रोकिएपनि साविकको विजेता एट्लेटिकको ला लिगाको शीर्षस्थानमा उक्लिएको छ ।
एट्लेटिकोको घरेलु मैदान वान्डा मेट्रो पोलिटानोमा शनिबार राति भएको प्रतिस्पर्धात्मक खेलमा दुवै टोलीले गोलका केही सुवर्ण अवसर खेर फालेका थिए ।
७८औं मिनेटमा घरेलु टोली एट्लेटिको १० खेलाडीमा समेटिन पुग्यो । जोआओ फेलिक्स दोहोरो पहेँलो कार्ड खाँदै मैदानबाट बाहिरिएपछि एट्लेटिको दवावमा परेको थियो ।
बिल्वाओसँग गोलरहित बराबरीमा रोकिएपनि एट्लेटिकोले एक खेल कम खेलेको रियल म्याड्रिड र भ्यालेन्सियालाई १ अंकले पछि पार्दै शीर्षस्थानमा उक्लिएको हो ।
अपराजित रहेको एट्लेटिकोको ३ जित र २ बराबरीका साथ ११ अंक पुगेको छ । एक खेल कम खेलेका अपराजित रहेको रियल म्याड्रिड र भ्यालेन्सियाको समान १० अंक छ ।
एट्लेटिकोसँग बराबरीमा रोकिएपछि बिल्वाओले भने शीर्षस्थानमा उक्लने अवसर गुमाउँदा ९ अंकसहित चौथो स्थानमा रहेको छ । समान ९ अंक नै रहेपनि बिल्वाओले एक खेल कम खेलेको रियल सोसिडाडलाई पछि पारेको छ ।
Copyright © All right reserved to webtvkhabar.com Site By: Sobij
