धनगढी । महाकाली र कर्णाली नदीमा पानीको सतहले खतराको तह पार गरेको छ । आइतबारदेखिको लगातारको वर्षापछि आएको बाढीले दुवै नदीमा पानीको सतह खतराको तह माथि पुगेको हो।
कैलालीको उत्तरी क्षेत्रमा कर्णाली नदी र डडेल्धुरामा महाकाली नदीले खतराको तह पार गरेको बाढी पूर्वानुमान महाशाखाले जनाएको छ ।
बिहान ६ बजे महाकाली नदीमा पानीको बहाव चार लाख ३७ हजार ६ सय १३ क्यूसेक पानीको सतह पुगेको जनाइएको छ । यता कर्णाली नदीमा पानीको सतह ८ नाघेको छ । पानीको सतह ७ मिटर पुगे खतराको तह पुगेको जनाउँदछ ।
महाकाली र कर्णाली नदी अन्तर्गत पर्ने बैतडी, डडेल्धुरा, डोटीका विभिन्न ठाउँमा पनि बाढीले खतराको तह पार गर्ने सम्भावना रहेको छ ।
Copyright © All right reserved to webtvkhabar.com Site By: Sobij
