Logo

२०८३, कार्तिक ३० गते आइतवार

२०८३, कार्तिक ३० गते आइतवार

गोरखा–१ बाट स्वर्णिम वाग्लेलाई प्रतिनिधिसभातर्फको उम्मेदवार बनाउन बाबुरामको सुझाव

गोरखा–१ बाट स्वर्णिम वाग्लेलाई प्रतिनिधिसभातर्फको उम्मेदवार बनाउन बाबुरामको सुझाव

  • 452
    SHARES
  • गोरखा–१ बाट स्वर्णिम वाग्लेलाई प्रतिनिधिसभातर्फको उम्मेदवार बनाउन बाबुरामको सुझाव

    काठमाडौं । नेपाल समाजवादी पार्टी (नेसपा) का अध्यक्ष डा.बाबुराम भट्टराईले गोरखा क्षेत्र नम्बर १ बाट स्वर्णिम वाग्लेलाई प्रतिनिधिसभातर्फको उम्मेदवार बनाउन सुझाव दिएका छन् ।

    पूर्वप्रधानमन्त्रीसमेत रहेका डा.भट्टराईले गोरखा क्षेत्र नम्बर २ मा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र १ मा कांग्रेस नेता तथा अर्थशास्त्री वाग्ले हुँदा गोरखामा विकास हुने तर्क गरेका छन् ।

    डा.भट्टराईले शनिबार ट्वीटरमा लेखेका छन्,‘मित्रहरूलाई अन्यथा लाग्दैन भने गोरखामा प्रचण्ड र स्वर्णिम वाग्लेको चुनावी जुगलबन्दी गर्दा कसो होला ? गोरखालाई विकास/समृद्धिको नमूना बनाउने हो भने विकास योजना निर्माण गर्ने र व्यवस्थापन/कार्यान्वयन गर्ने क्षमताको संयोजन हुनैपर्छ ! यी दुइ व्यक्तित्वमा ती गुण छन् ! गम्भीर ढंगले सोचौं ।’

    सत्ता गठबन्धनमा गोरखा क्षेत्र नम्बर १ नेपाली कांग्रेसको भागमा परेको छ । गृहजिल्ला गोरखा क्षेत्र नम्बर २ बाट डा.भट्टराईले लगातार ३ पटकसम्म चुनाव जित्दै आएका थिए । यसपटक भनेर चुनाव नलड्ने घोषणा डा.भट्टराईले गरिसकेका छन् ।

    Copyright © All right reserved to webtvkhabar.com Site By: Sobij