वेबटिभी खबर
काठमाडौं । साविक विजेता रियल मड्रिडले च्याम्पियन्स लिगअन्तर्गत समूह एफको विजेता बन्न अन्तिम खेलको नतिजा कुर्नु पर्ने भएको छ । रियल मड्रिड मंगलबार राति रियल आरबी लाइपजिकसँग ३-२ ले निराश भएको थियो ।
समूह एफमा पाँच खेलमा शीर्ष स्थानको रियलको १० अंक छ भने समान खेलमा दोस्रो स्थानको लाइपजिकको नौ अंक रहेको छ । तेस्रो स्थानको सख्तर डोनेक्सको ६ र चौथो स्थानको सेल्टिकको मात्र दुई अंक छ ।
समूहको अन्तिम खेलमा रियलले सेल्टिकको सामना गर्नेछ । सो खेल जितेमा रियल समूह विजेता बन्ने छ । यस समूहबाट रियल यसअघि नै अन्तिम १६ मा प्रवेश गरिसकेको छ । लाइपजिकलाई नकआउट चरणमा स्थान बनाउन तेस्रो स्थानको सख्तर डोनेक्ससँग हार टार्नु पर्ने हुन्छ ।
१३औं मिनेटमा जोस्को जिभारडियोलको गोलमा रियलले लाइपजिकले अग्रता लिएको थियो । १८औं मिनेटमा एनकुन्कुले गरेको गोलमा लाइपजिकले अग्रता दोब्बर पारेको थियो ।
४४औं मिनेटमा भिनिसियस जुनियरको गोलमा रियलले खेलमा फर्कने संकेत गरेको थियो । ८१औं मिनेटमा टिमो वार्नेरले लाइपजिकका लागि तेस्रो गोल गरे । इन्जुरी समयको तेस्रो मिनेटमा रोर्डिगोले पेनाल्टीको सदुपयोग गर्दै रियाललाई खेलमा फर्काउने संकेत गरे पनि त्यो पर्याप्त भएन ।
समूह ुएफु कै अर्को खेलमा सख्तर डोनेक्स र सेल्टिकले १-१ को बराबरी खेले ।
Copyright © All right reserved to webtvkhabar.com Site By: Sobij
