वेबटिभी खबर
मस्को । मस्कोको एक अदालतले रुसी राष्ट्रपति भ्लादमिर पुटिनका आलोचक एवम् विपक्षी नेता एलेक्सी नाभाल्नीको राजनीतिक संगठनलाई उग्रवादी भन्दै प्रतिबन्ध लगाएको छ ।
यस संगठनले अब कुनै पनि गतिविधि गरे यसका कार्यकर्ताहरुलाई जेल सजाय हुन सक्छ । र नाभाल्नीको राजनीतिक नेटवर्क समर्थन गर्नेहरुलाई सार्वजनिक पदका लागि प्रतिबन्धित पनि गर्न सकिने निर्णय भएको छ ।
बुधबार जारी आदेशमा अदालतले नाभाल्नीको क्षेत्रीय नेटवर्क कार्यालय र उनको एन्टी करप्सन फाउन्डेसनलाई तुरुन्तै प्रतिबन्ध गरिएको उल्लेख थियो ।
अदालतको फैसलापछि नाभाल्नीले सोसल मिडियामा आफू पछि नहट्ने लेखेका छन् । उनले आफ्ना समर्थकलाई काम गर्ने तरिका पनि परिवर्तन गर्न आवश्यक रहेको बताएका छन् । नाभाल्नी एक जालसाजीको मुद्दामा हाल जेलमा छन् ।
यस वर्षको सेप्टेम्बरमा हुने रुसको संसदीय निर्वाचनमा ओपनियन पोलले सत्तारुढ दलले समर्थन गुमाइरहेको बताएको छ । यही स्थितिमा नाभाल्नीका केही समर्थक निर्वाचन लड्ने तयारी गरिरहेका छन् ।
नाभाल्नीका वकिलले प्रतिबन्ध हटाउनका लागि यस फैसलाविरुद्ध अदालतमा अपिल पेश गर्ने बताइएको छ ।
भोक हड्ताल तोड्ने रुसी विपक्षी नेता नाभाल्नीको निर्णय 
पुटिनका कट्टर आलोचक नाभाल्नीको छिट्टै ज्यान जान सक्ने चिकिसत्कको चेतावनी 
नाभाल्नीमाथिको विष आक्रमण छानबिन गर्न राष्ट्रसंघीय अधिकार विज्ञको आग्रह
Copyright © All right reserved to webtvkhabar.com Site By: Sobij
