वेबटिभी खबर
काठमाडौं । भारत मुम्बइस्थित हिन्दुजा हस्पिटलमा उपचाररत कांग्रेस नेता प्रदीप गिरीलाई भेट्न उपसभापति विमलेन्द्र निधि बिहीबार त्यसतर्फ जाने भएका छन् । उपचाररत गिरीको स्वास्थ्य अवस्था बुझ्नका लागि लागि निधि बिहीबार दिउँसो त्यसतर्फ जाने भएका हुन् । जनकपुरबाट दरभंगाहुँदै निधि मुम्बई जानेछन् । निधिको साथमा कांग्रेसका आमन्त्रित केन्द्रीय सदस्य बालकृष्ण पाण्डे पनि जाने बुझिएको छ ।
गिरीको घाँटीमा गम्भीर समस्यासँगै क्यान्सर भएको आशंका देखिएपछि चिकित्सकहरुले उपचार अगाडि बढाएका छन् । ‘घाँटीमा देखिएको समस्याबारे उपचार भइरहेको छ । क्यान्सरको आशंका छ तर पुष्टि भइसकेको छैन,’ गिरीनिकट एक नेताले जानकारी दिए । डा। सुल्तान प्रधान नेतृत्वको टिम गिरीको उपचारमा संलग्न छ ।
Copyright © All right reserved to webtvkhabar.com Site By: Sobij
