वेबटिभी खबर
एजेन्सी, काठमाडौं । भारतमा कोरोनाको दैनिक नयाँ संक्रमित थपिनेको ग्राफ ओरालो लाग्ने क्रम जारी नै छ ।
पछिल्लो २४ घण्टामा एक लाख ५८ हजार भन्दा बढी नयाँ संक्रमित थपिएको भारतको केन्द्रीय स्वास्थ्य मन्त्रालयले जनाएको छ । यस अवधिमा दुई लाख ८० हजारले स्वास्थ्य लाभ लिएका छन् । यद्यपी, कोरोनाका कारण ज्यान गुमाउनेको संख्या वृद्धि भएको छ ।
पछिल्लो २४ घण्टामा एक हजार ७२१ ले कोरोनाका कारण ज्यान गुमाएका छन् । मन्त्रालयका अनुसार यस अघिको तथ्यांक अनुसार ११८५ जनाले कोरोनाका कारण ज्यान गुमाएका थिए ।
हाल भारतमा सक्रिय संक्रमितको सङ्ख्या १६ लाख १३ हजार रहेको छ । कोरोनाको तेस्रो लहरमा भारतमा जनवरी २० मा सबैभन्दा धेरै संक्रमित ९३ लाख ४७ हजार भन्दा बढी० थपिएका थिए । पछिल्लो ११ दिन यता संक्रमित थपिने क्रम ओरालो लागिरहेको छ ।
भारतको केरल, कर्नाटक, महाराष्ट्र, तमिलनाडु र आन्ध्र प्रदेश सबैभन्दा धेरै प्रभावित राज्य हुन् ।
भारतमा २० दिनपछि २ लाखभन्दा कम संक्रमित, दैनिक मृतकको सङ्ख्या हजार नाघ्यो
Copyright © All right reserved to webtvkhabar.com Site By: Sobij
