वेबटिभी खबर
काठमाडौं । प्रधानमन्त्री पुष्पकमल दाहाल ‘प्रचण्ड’ले आठौँ पटक मन्त्रिपरिषद् विस्तार गर्ने तयारी गरिरहेका छन् ।
आइतबार परराष्ट्रमन्त्रीमा एनपी साउदलाई शपथ ग्रहण गराएर प्रधानमन्त्री प्रचण्डले आठौँ पटक मन्त्रिमण्डल विस्तार गर्न लागेका हुन् ।
साउद कञ्चनपुरबाट निर्वाचित नेपाली कांग्रेसका सांसद हुन् । सत्ता गठबन्धनमा भागबन्डा गर्दा नेपाली कांग्रेसको भागमा अर्थसहित ८ मन्त्रालय परेपनि हालसम्म कांग्रेस चार जनालाई मात्र मन्त्री बनाएको छ ।
प्रचण्ड नेतृत्वको वर्तमान सरकारमा सहभागी हुन् लागेका साउद कांग्रेसबाट मन्त्री बन्ने पाँचौँ व्यक्त हुन् । उनको शपथ ग्रहण कार्यक्रम अपरान्ह ३ बजेका लागि तय भएको जनाइएको छ ।
पहिलाे चरणमा कांग्रेस उपसभापति पूर्णबहादुर खड्काकाे नेतृत्वमा कांग्रेसले चार जनालाई सरकारमा सहभागी गराएकाे थियाे ।
जसमा खड्का उपप्रधान तथा रक्षा, डा.प्रकाशशरण महत अर्थ, रमेश रिजाल उद्योग र सीता गुरूङ शहरी विकासमन्त्री बनेका थिए ।
गत १० पुसमा प्रधानमन्त्री बनेका प्रचण्डले १७ चैतमा सातौँ पटक मन्त्रिपरिषद् विस्तार गरेका थिए । उनी अब चाँडै भारत भ्रमणमा जान लागेकाले पनि परराष्ट्रमन्त्री नियुक्त गरेकाे स्राेतकाे दाबी छ ।
Copyright © All right reserved to webtvkhabar.com Site By: Sobij
